Systeemesch an Integrativ Opstellungen mam Jérôme GRETHEN

D’systeemesch Familljen-Opstellung ass eng duerstellereg Method déi dozou déngt Verbindunge vun der Familljen- an och perséinlecher Geschicht ze verdäitlechen, ze erkennen, ze begräifen, ze moduléieren a méiglecherweis opzeléisen.

Et et gëtt ënner anerem u bannere Biller, verënnerlechte Konflikter a generatiounsiwwergräifende Verstréckunge geschafft.

D’Ziel ass ënnerlech Fridden ze fannen, säi Selbstbild positiv ze verbessere fir méi gefestegt am Liewe weider ze kommen.

Eng Opstellung hëlleft ënner anerem:

• Fir aus Widderhuelungsmustere eraus ze kommen.
• Bezéiungen ze verstoen a kloer ze stellen.
• Fir mat schmäerzvollen Erliefnisser a Gefiller ëmzegoen.
• Bei Situatiounen déi een iwwerfuerderen.
• Fir berufflech a privat Entscheedungen ze treffen.
• Fir mat schwéiere Liewenssituatiounen ëmzegoen
• Fir sech am perséinleche Liewen ze orientéieren.

Präsentatiouns Owend
De Jérôme erläutert d’Familljenopstellen als Method am allgemengen, a präsentéiert och säi spezifeschen, systeemesch-integrativen Usaz an engem oppenen Austausch mat allgemenge praktesche Beispiller. Déi wou wëllen, kënnen och nach méi spéit bleiwen, fir verschidde Beispiller nach méi am Detail ze verdéiwen, an sech e méi kloert Bild ze maachen.

Den Opsteller
De Jérôme Grethen ass niewent Opsteller, och nach Kënschtler a Pressezeechner. Zënter Kuerzem nees ganz ze Lëtzebuerg installéiert, huet hien d’systeemescht Opstellen zënter 2012 uechtert d’ganz Welt praktizéiert.

De Jérôme huet mat Gruppen an Eenzelpersounen, souwuel a Betriber, wéi och am Beräich vun der perséinlecher Entwécklung a vun der therapeutescher Begleedung geschafft. Iwwer d’Joren huet hien sech d’Method appropriéiert, an se mat aneren Usätz ëmmer méi verfeinert, esou dass se de konkrete Besoine vun de Leit ugepasst ass.

De Jérôme facilitéiert d’Opstellungen andeem en se de Filtere vun der klinescher Psychologie uleent, fir dass niewent der spiritueller Dimensioun, d’Aarbecht och am konkreten Alldag gräife kann.

Hien gëtt reegelméisseg vun enger Diplompsychologin superviséiert.

Mettwoch, den 23. Oktober vun 18.00-20.30 Uhr

D’Konferenz fënnt op Spendebasis statt